Obradoiros vivenciais que achegan o alumnado á olería tradicional de Buño a través da experiencia directa co barro, a demostración ao torno e a posta en valor do patrimonio cultural.
A actividade invita a desacelerar, crear coas mans e conectar coa artesanía nun tempo marcado polas présas e as pantallas. Ao longo de 50 minutos, o alumnado coñece a historia deste oficio, explora a importancia do feito artesanal e participa nun taller práctico onde modela a súa propia peza.
Un elemento central do obradoiro é a exposición “Sen elas non hai olería”, que visibiliza e recoñece o papel fundamental —e frecuentemente ocultado— das mulleres na alfarería: as que transmitiron o saber, sostiveron os obradoiros e fixeron posible que esta tradición chegase ata hoxe.
.
