Este obradoiro está pensado para reflexionar co alumnado de 5º e 6º de Educación Primaria sobre a diversidade dos corpos e a presión estética que, dende moi pequenas, empezamos a recibir a través da publicidade, os contos, as redes sociais ou os medios.
A través do xogo, a conversa e dinámicas participativas, falaremos de:
– Cómo son realmente os corpos na vida real?
– Por que moitas veces non nos vemos representadas/os?
– Que mensaxes recibimos sobre cómo “debería ser” un corpo?
– Como aprender a mirarnos —e mirar aos demais— con respecto, cariño e liberdade?
O obxectivo principal é crear un espazo seguro, amable e respectuoso onde as persoas participantes poidan expresarse libremente, compartir experiencias arredor do corpo, da beleza e da identidade, recoñecerse en outros corpos diversos e construír colectivamente unha visión máis inclusiva e xusta da beleza.
